LOTFY
عدد المساهمات : 29
تاريخ التسجيل : 12/09/2008
 | موضوع: قصيده : وجهه نظر  الأحد نوفمبر 30, 2008 9:02 pm | |
| وجهه نظر
************
طبع البشر ... كل البشر بنعيش حياتنا كأنها رحله سفر
مهما ندور نرجع مكاننا والنهايه هى بدايات العمر
والبذره باقيه بأرضها نفس البذور ..... هى الشجر
واللحن اللى أتسمع أيام زمان نايم هنا فى حضن الوتر
واللى افتكرناه... فات.. ومات.... هو الوليد المنتظر
عايشين نفتش ... والبدايه والنهايه . .. .نقش فى حجر
ولو يوم صادفنا المعرفه..... والحق بان يوم أو ظهر
نقفل عيوننا بأمرنا وبحكمنا ولساننا بيقول ..وجهه نظر
طبع البشر .. كل البشر بنعيش حياتنا كأنها رحله سفر
رحله سفر .... بنلف فيها بدون دليل ...من غير هدف
واللى أتفق وياك فى يوم.... مصيره يوم.... راح يختلف
أحلامنا وعد.... بيه نتوعد....... لولى ومتخبى فى صدف
يا أما تبعد عننا وما تتنسيش... أو يوم تقربها..... الصدف
أمثال كتير ... جوانا عايشه من قبلنا........ قالها السلف
وان كانوا قالوا....سلف ودين....حاول تقلل... م السلف
مشوار طويل..... بنمشى فيه لحظات نسيم...وسنين مطر
وأن يوم صادفنا المعرفه........ والحق بان يوم أو ظهر
نقفل عيوننا..بأمرنا.وبحكمنا ولساننا بيقول .وجهه نظر
طبع البشر....كل البشر... بنعيش حياتنا كأنها رحله سفر
************************
| |
|
ابتسامة صيف
عدد المساهمات : 6
تاريخ التسجيل : 25/07/2009
| | موضوع: رد: قصيده : وجهه نظر السبت يوليو 25, 2009 9:35 am | |
| من قصيدة لاخرى اكتشف احاسيسك المرهفة يالطفي وابداعك
ياريت تركز عالنشر | |
|
زمن الرحيل
عدد المساهمات : 757
تاريخ التسجيل : 15/08/2008
| | موضوع: رد: قصيده : وجهه نظر السبت يوليو 25, 2009 11:03 am | |
| استاذ لطفى كلماتك اكثر من رائعة ولا تحرمنا من كلماتك الرائعة  | |
|
