متى يصمد الحب

كان فيه مو قف خلانى اسال وافكر
الاول علشان تكونوا معايه
عادى انك تشوف اتنين بيجبوا بعض من الثانوى او فى الكليه او حتى بعد الخطوبه
لكن الاكيد طبعا انهم بيحبوا بعض بعد الجواز وطبعا بيفضل الحب موجود طول ما الحياه سهله ومفهاش مشاكل
لكن الحياه مش سهله علطول؟

كنت قريب قوى قاعد مع ناس كبيره كانوا بيتكلموا فى سيره فلان اللى مات انبارح نتيجة مرض مزمن فضل معاه سنين طويله وازاى فضل يصرف كتير لحد مباع كل حاجه وازاى اقرب الناس ليه اتخلوا عنه
الا مراته اللى عملت كل اللى تقدر عليه وزياده وفضلت معاه لحد اخر لحظه من عمره


علشان كانت بتحبه!



قلت يمكن علشان الواجب يفرض عليها كده والحجات دى
انما الحب والمشاعر والحجات دى الواحد ميفكرش فيها الا اما يكون باله رايق وضروريات الحياه كلها موجوده على الاقل


عارضونى وواحد منهم قالى
يا ابنى الواحده لو بتحب الراجل بجد تعيش معاه على الملح ومتتكلمش ولو هيا بنت السلطان


انا ساعتها سكت


لكن رجعت قلت طيب ما انا اعرف ناس اتجوزت بعد قصص حب تعرف بيها الناس كلها ويكونوا مخلفين كمان
لكن لظروف الحياه الصعبه وازماتها المتكرره يبدا الخلاف ويكتر فى حجات كتير وينتهى الامر يا اما بالطلاق او يغضبوا شويه ويرجعوا لبعض تانى لكن طبعا مش زى الاول بيكون الحب مات


يبقى ده مكنش حب اصلا
ولا الحب مقدرش يصمد امام ازمات الحياه وخلافاتها

طب وازاى الاقى الحب اللى يقدر يواجه كل شى
وازاى اقدر احافظ عليه طول فتره حياتنا مهما طالت سنين الجواز

حجات محيرانى تعالو نتناقش فيها ونسال
متى يصمد الحب ياريت الكل يدخل ويقول راى

تحياتى للجميع