تعبان..قرفانه..مضايق..مخنوقه......ياااااااااااه يائس( للدرجه دى)طب ادخلوا...

السلام عليكم ورحمة الله وبركاته


عاملين ايه ؟




متضايق .......... زعلانة .......... مخنوق ........ طهقانه طب ليه ؟


الشغل بيتعبك؟ المواصلات زحمة ؟ المرتب قليل ؟


جوزك ماجبلكيش دى فى دى؟ مراتك مش عاجبها مصروف البيت ؟ جوزك مش عاجبه الاكل ؟


مصروفك قليل عايز بابا يزوده ؟ محتاج تروح السينما وممعكش فلوس ؟


تعبان عندك برد وصداع ؟ ماعندكش عربية؟ عايز مليون جنيه ؟



*****************




(( احنا فى نعمة ))


قولى؛ قوليلى رحت الشغل النهارده رحتوا ازاى بالتاكسى ، بالمترو ، بالاوتوبيس لالالالالالالالالالا ما اقصدش كده



اقصد رحت على رجلك صح ، وانت ماشى على رجلك او راكب التاكسى او مشيت لمحطة المترو مالقتش كده واحد على كرسى



متحرك او شاب متشال علشان يروح مدرسته او شاب ماشى بعكاز ؟ اه لقيت ومستنى ايــــــــــــه قول الحمد لله على النعمه


دى.



*************************





وانت رايح الشغل وانتى رايحه الكلية شفت الشارع؟ شفت الناس ؟شفت جارك عم محمود وصبح عليك وهو بيضحك وقالك صباح



الخير؟شفت هدومك مكويه كويس وشفت شعرك متسبسب كويس ؟وشفت زميلك الصبح وكلمك ورد عليك السلام وكان مكشر



يااااااااه . فى غيرك محروم منها حتى ما بيعرفش شكله ايه ولا يعرف اللى حواليه بيكلموه وهما مكشرين ولا بيضحكوا ومايقدرش



يتحرك غير بمساعدة . مستنى ايه احمد ربنا على نعمة النظر قول الحمد لله على النعمة دى.




********************





جوزك بيديكى مصروف قليل مابتكلوش غير مره واحده لحمه فى الاسبوع ؟ النهارده هتطبخى بصاره وجارتك ام نعمه عامله



جمبرى وريحته فايحه؟ طب احمدى ربنا ماشوفتيش مره وانتى ماشيه اطفال بيطلعوا عيش من جوه الزبالة وياكلوه ماشفتيش



المجاعات والناس اللى بتموت كل يوم وهما نفسهم في العيش الحاف . طب يلا قولوا الحمد لله على النعمة دى.




****************




تعبان قوى وبتكح وعنيك حمرا وراسك بتوجعك يااااه



رجليكى وجعاكى والدكتور قالك عندك هشاشة عظام ياااااااه



مخنوق علشان عندك انفلونزا والدكتور قالك اقعد 3 ايام فى البيت ياااااااااه


افتكروا اخواتنا اللى عندهم سرطان / فشل كلوى/ امراض الكبد شوفوا حجم معاناتهم وشوفوا هما محرومين حتى من الحركة



ومن السكون لحظه بدون صرخة ألم مستنين ايه قولوا الحمد لله احنا فى نعمة.





****************



بتقول ايـــــــه انا اقل من غيرى في اللى عنده عربية وفي


اللى عنده فلوس كتير متلتله مش عارف يعمل بيها ايـــــــه


طب نفسك فى عربية؟ ايه رأيك فى عربية اخر موديل وكمان اتوماتيك "توماتيكى توماتيكى" هنديهالك بس عايزين منك حاجه صغيره


أوى ... ايه هى ؟ رجلك اه رجل واحده بس من الاتنين بتفكر ؟ايه محتاجه تفكير؟ ليه ياسيدى ماهى توماتيكى يعنى مش محتاج


رجلك فى حاجه هنديلك العربية وتدينا رجلك........... ايـــــــــــــــــــه مالك مش بتشوف ناس عندها عجز وراكبين


عربية اوتوماتيك اخر موديل لو خيرناهم ياترى كانوا اختاروا وضعك اللى انت فيه ولا هيختاروا وضعهم .


ايـــــــــــه النعمة اللى عندك احسن... صح؟ طب قول الحمد لله على النعمة دى .



*************





عايز فلوس كتيييييييييييييييييييييير أوى ... ملايين ( هتعمل بيها ايه ) يااااااه كل دى حاجات هتعملها هتتفسح وتسافر وتشترى


عربية وشقق لالا قصور طب لو كان عندك الفلوس دى ومش قادر تعمل اى حاجه من دى لييييييه علشان عندك مرض زى اخواتنا


اللى عندهم السرطان / الكبد/ الفشل الكلوى وملايين الدنيا مش بتفيدهم .


ها ايه رايك تاخد الفلوس ومرض صغير من دول؟... يا ترى هما لو خيروهم هيختاروا اللى عندك ولا هيختاروا وضعهم؟... شفاهم الله


وعفاهم دول حتى محرومين من الحركة ها يا ترى الصحة ولا الفلوس انهى نعمة اغلى.


مستنى اييييييييييه احمد ربنا .



***********




ايييه وانتى مالك يائسه طب ليه؟ حصلتلك حادثه؟؟؟ ... عندك عجز بتتمنى انك


كنتى موتى احسن .


احمدى ربنا ايوه احمديه انه امهلك فرصة تانيه... وقت تطيعيه فيه وتقربى منه احسن ماكان توفاكى وانتى على معصيه او لسه بعيده


عنه . صح مستنيه ايييييييييييه احمديه على انك لسه عايشه لسه الفرصة أودامك للفوز بالجنه .




*********
صدقونى احنا فى نعم لاتحصى ولا تعد ولا يساويها نعم....


قبل ماتدور ايه ناقصك


شوف ايه عندك محروم منه غيرك صدقنى هترتاح


انا عارف انى ماقولتش حاجه جديده لا دى حاجه كلنا عارفينها مش افتكاسه منى ولا انا ابو العريف لا بس ساعات كتيره الواحد


ساعة سهو بينسى نعم الله وانا بس بذكركم.




ابتسموا وتفاءلوا وقولوا الحمد لله



اللهم لك الحمد والشكر كما ينبغى لجلال وجهك وعظيم سلطانك